13.06.2010
Þessi stóra, fallega valgráa gimbur heitir Alexía og var
hún lambadrottningin í ár (það er fæddist fyrst allra
lambanna á bænum. Þessar myndir voru teknar í dag
þegar við rákum saman og slepptum uppfyrir
fjallsgirðingu.
17.05.2010
Nokkrar myndir frá sauðburði 2010. En í dag er
honum nánast lokið, aðeins 3 eftir að bera.
Litagleðin hefur nú oft verið meiri en í ár og er nú
þegar búið að ákveða að við verðum að nota einn mislitan
hrút næst en ekki bara hvíta eins og í ár. Þó komu
nokkur skemmtileg á litinn sem betur fer. Sætust
er mógoltótta gimbrin sem bræður eru með á milli sín á
myndinni en fallegasta lambið fætt í vor er
svarflekkótta gimbrin hér að ofan. Hún er óvenju
samanrekin og læramikil miðað við aldur og verður
spennandi að fá hana af fjalli í haust og sjá hvernig
hún þroskast.
30 mars 2010
Við fengum sauðfjárræktarverðlaun búnaðarsambands
Eyjafjarðar afhent á aðalfundi sambandsins í dag.
Við þökkum kærlega fyrir viðurkenninguna. Sjá
frétt á www.bugardur.is
29.09.2009
Á fimmtudaginn síðasta brunuðum við (Sigga og Þór) ásamt
Erlu og Halldóri vestur á Strandir til að kaupa lömb.
Við keyptum 5 gimbrar og 2 hrúta en Erla og Dóri
keyptu 2 hrúta og u.þ.b 15 gimbrar.
Þór var nú hálf svekktur, sá þarna draumahrútinn sem var
svo frátekinn. Hann fór í heilmiklar
samningaviðræður og endaði með því að bjóða heilan hest
í skiptum fyrir hann en ekkert gekk og hann fór heim með
bróðir hans. Við gistum á Kirkjubóli og mælum við
eindregið með þeim stað fyrir ferðalanga. Við
fengum fínan kvöldmat, gistingu og morgunmat á mjög góðu
verði. Þegar við vöknuðum um morguninn var allt á
kafi í snjó og einstaklega fallegt veður, sem átti svo
eftir að breytast í rok og rigningu síðar um daginn.
|
|
|
|
|
|
|
|
|
|
|
Gistum í bændagistingunni á Kirkjubóli |
|
|
|
|
|
|
|
|
|
|
|
|
dómar skoðaðir á Heydalsá |
|
|
|
|
|
|
|
|
|
|
|
|
|
Hrúturinn sem Siggu langaði í en var frátekinn |
|
|
|
|
|
|
|
|
|
|
|
|
Búið að velja á Smáhömrum |
|
|
|
|
|
|
|
|
|
|
|
|
06.11.2008
Nú eru allar kindur komnar á hús og búið að berhátta þær
allar. Búið að slátra þeim sem ekki fá að sjá
annað sumar og svo framvegis. Svo er bara
fengitíminn framundan!!!!!
03.10.2008
Hrútasýning
fjárræktarfélagsins fór fram hér hjá okkur síðast
miðvikudagskvöld. Það var mjög gaman, margt fólk
og margir hrútar. Við áttum 3 efstu hrútana,
bræðurna Karíus og Baktus og svo hann Teina.
Baktur nr. 1, Karíus nr.2 og Teini nr. 3. Einnig
áttum við efsta lambhrútinn, hann Fálka.
Ýtið hér til að skoða
myndir.
13.09.2008
Í dag voru göngur og réttir
hjá okkur. Það var nú réttað hjá nýja fjárhúsinu
en við smíðuðum fjárrétt við það í síðustu viku.
Veðrið var frábært enda vildu kindurnar ekkert heim.
Ýtið hér til að sjá
myndir úr réttunum.
30.04.2008 sauðburður
2008
03.04.2008
Nú er allt á fullu við að innrétta fjárhúsin og hér
fyrir neðan ætla ég að setja inn myndir af
framkvæmdunum
jafnóðum.
hér er garðinn að rísa, þar verða gemlingar og hrútar.
Fullorðnu ærnar verða svo með gjafagrindur
hinumegin í
húsinu.
Hér er garðinn komin, svo allir gemlingarnir komnir í
hús, bæði ferfætlingar og mennskir!!!!
Hér að neðan eru svo ærnar komnar inn í húsin og éta úr
gjafagrindinni.
10.02.2008
Kindurnar voru allar sónarskoðaðar í gær, það kom
ágætlega út en samt full margar geldar!!!
 
06.02.2008
Réttir í Skriðu 2007.Ýtið hér
til að sjá myndir.
04.10.2007
Skriðuhrútar hæstir á hrútasýningu.
Þeir Nubbur (06054) og Kólfur (06055) urðu stigahæstir á
hrútasýningu á Syðri-Bægisá nú í október.
Sjá frétt á vef Hörgárbyggðar.
 |
